قصيدة جدتي للشاعر المخظرم >>>>>>>>زودتها صياح بن مطلق

سبحن ربي الذي عن ساير الدنيا يدوم
رب(ن)كريم(ن)مادعاله عبد(ن) الا جمله


كل الكواكب التي تسرح على ضوو النجوم
يعلم بها ربي الذي اعطاك ديني وسهله


والحمد لله سالمين(ن)في القوافي والعلوم
والعلم ياصل وازهلوها من علاه واسفله


لي أكثر من الشهر..ماغير اتروع في الحلوم!
في خاطري اكتب قصيده للي ربي كمله


لو قلت بمدح ماقدرت امدح ولا تقدر تلوم!!
وشلون بمدح كامل الاوصاف عالي المنزله


أخاف امدح واتوهق لو نقصت العموم
وشلون لو بنسى خصوصيه وقالولي همله


يممه وحشتي هالعيون اللي عليها من الهموم
والله يومن شافتك سالت دموع من الوله


جيت اتحمد بالسلامه هذا انا بيدك خدووم
تدللي تأمري عن أي شي(ن) وأفعله


انتي حكيمه يا عظيمه مسدحه عشرة قروم!
مامثلها احد(ن) أبد ولاتكثر أسئله


هي الاصل..هي الفصل..هي الكرم هي السلوم
هي الصبر هي الحكم هي الغنا..هي الصله


ياجدتي يادنيتي يافرحتي عند اللزوم
وياللي عطفتي عالفقير ومن طلب ماتخذله


تذكري يومي طفل والبس قصيرات الكموم
يومك تقولي لي الصلاة وضيفنا لاتجهله


في صمتها حكمه تقول..كثر الحكي ماله لزوم
وفي حكيهاحكمه تقول انسى الكدر والململه


في عينها اليمنى أمل..لاتشتكي خلك كتوم!
وفي عينها اليسرى صبر..حتى القهر تتحمله


وفي كفها صفحة مشاعر تسعدك في كل يوم
جرب وحب يدينها بلا وزن ومعادله


صدقني انك تنبسط وتصير مابين الغيوم
وتعيش اسعد يوم لك ولا تواجه مشكله


والحين يا يمه أبختم..والقصيده ماتدوم
الا اذا ظلت على مر العصور محمله


سلام ياحلا قمر..لاتزعلوا ياذا النجوم
أكيد لاشفت القمر تلقى النجوم مهمله






صياح بن مطلق