قصيييدة الام ....للشاااعر صيااح بن مطلق..,,لا تفووتكم!!

ياهواجيس القصايد اشهدي وقت الهجير
واعلني يوم اعتزالك وادري ان الوقت فات
دام شعري يوصل لحايل قبل يوصل عسير
بكتبه لين يتعدا كل ابو ذيك الجهات
ودام صيتي للصغير وكان واصل للكبير
ايه يامال الغنايم وايه يامال الغناة
بكسب الحرب وابرسل ياهواجيسي نذير
دام منتي قد شعري خلي عنك الامنيات
في الشعر عندي جنودن كثر مالـ توني بلير
وفالشعر عندي كتايب وهم عندي طايرات
من اشوف القاف طاير اقنصه مثل اي طير
وكم اسرت من الطواريق المئات والمئات
وماأظن فيها غرابه دام عرقي من مطير
هم حمران النواظر وهم اهل المعجزات
ومع بني خالد خوالي لاتدور من يدير
الولايه بان اثرها من فعولن خالدات
وكان صفي ماهو الاول ما ابيه الا الاخير
يا ابيض وجه ربعي ولا ارقد في سبات
ويابري حالي على اللي كل كلماته عبير
لاوطى علارض قامت تظهر ازهار ونبات
حبها في قلبي ثابت غير كل الناس غير
وغلاها وسط قلبي فوق كل الغاليات
مدري شكتب بس ابكتب ما اخليها تطير
دام جنة ربي صارت تحت رجل الامهات
امي ياحكمه عظيمه وزعت للناس خير
امي ياجنة فؤادي طاعتك سلم نجاة
ولو ادور وسط هالعالم من كبير وصغير
ماخبرت اني ابلقا مثل امي فالحياة
ولو كتبت من الكلام اللي صعب واللي يسير
اشهد اني ماوفيتك يااجل الوافيات
ولو تطلبين الثريا ابشري بذاك البشير
جبتهالك لوهي اصعب من جبال نايفات
اقسم بمن لا امر هالكون في لحظه يصير
واقسم بمن نزل الرحمن ولا العاديات
اني يايمه وفيلك فالرخا وساعة عصير
واني يايما فدالك في الليالي المظلمات
واعذريني كان شعري ماظفر في شي مير
كيف يظفر دام جنة ربي تحت الامهات