قصيدة الأرهاب للشاعر صياح بن مطلق

سلام الله على دار الوفا والطيب والترحاب
سلام العز يا قايد يا رمز العدل اخو نوره


سلام ما كتبته شعر سلام قلته بإعجاب
سلام ماتخيلته ولا شاورت به شوره


ابيك تفتح ضلوعي وابيك تشوف الاستيعاب
وابيك تقدر الموقف ترى هيبتك معذوره


أنا لو الشعر عندي يباع ويشترى بتراب
طبيعي ما اقدر اكتب شيء عن سيف بنى سوره


بنيت المجد وانت المجد ومنك المجد لك طلاب
خوي العز ومنك العز ولك يهتز طابوره


أبحكي قصة انسان يعيش بديرة الاغراب
بغى يدرس عشان أمه تشوفه دوم مسروره


ذبحه الشوق والفرقا تركز في حشاه أطناب
وبعض الشوق يا عالم يخلي النفس مقهوره


ويوم انه رجع للدار راح يدور الاحباب
رجع للبيت وشاف اخته تبكي وبيدها صوره


قرب يمها وقالت محمد هذا هو الارهاب
محمد اذبحوا امي وطفينا الابجوره


محمد لا تخليني ترى هذا الزمن كذاب
محمد لا تخليني تراني بنت مكسوره


تخيلتوا معي الموقف عرفتوا ليه انا مرتاب
لان البيت بعد امه غدا خالي وطفا نوره


كفايه ما جرى ولازم نكشر الف ناب وناب
غلط لا صار كل واحد يوقف ينتظر دوره


وما دام المملكه فينا ويخدمها رجال شناب
ماأظن ان العدو يقدر يخلي نفس مقهوره


وانا قبل اختم ابياتي بغيت الحق له طلاب
ابطلبكم طلب واحد طلب شاعر لجمهوره


ابيكم صوت واحد دوم يد وحده على الارهاب
وابيكم صوت واحد دوم يعيش الشيخ اخو نوره

مشكور على المرور






تحياتي

يعطييك الف الف عاااافيه ع القصيييده الحلوووه

شكرا الف الف الف مره..: )

الله يعطيك العافيه...

تحياتي